പ്രാകൃതപ്രകൃതിവിരോധം

എന്റെ പൊന്ന് മഴയേ
നീ ആകശത്ത് തന്നെ കറുത്തിരിന്നാട്ടേ
എനിക്കിന്നവളെ കാണാൻ പോകണമെ.

എന്റെ പുഴയെ കവിഞ്ഞൊഴുകല്ലേ
മന്ദമന്ദം ഒഴുകിയാലും
എനിക്കിന്നവളോടൊപ്പം വഞ്ചി തുഴയണമെ.

രാവേ നിലാവ് പൊഴിക്കണേ.
കുളിരിളം തെന്നലാൽ തഴുകണേ.
എനിക്കിന്നവളുടെ നാണം കാണണമെ.

മഴ പെയ്തു.
പുഴ കവിഞ്ഞു.
രാത്രി ഇരുണ്ട് മരവിച്ചു.
ഞങ്ങൾ പ്രകൃതിവിരോധികളായ്
പ്രണയത്തിൽ തിരോഭവിച്ചിരിക്കുന്നു.